Ástin blómstrar hjá Kristínu Ruth og Arnari Snæ

Parið hefur ferðast víða saman, þau fóru meðal annars í skíðaferð til Austurríkis í góðra vina hópi í október, auk þess sem þau gengu á Kerlingafjöll í september. Ævintýraþrá, skíði og fjallabrölt virðast vera þeirra sameiginlegu áhugamál.

Kristín Ruth var lengi ein af þremur þáttastjórnendum Brennslunnar á FM957 en hefur nú fært sig í næsta stúdíó, yfir á Bylgjuna, þar sem hún heldur áfram að heilla hlustendur með sinni líflegu nærveru.

Arnar Snær er 41 árs tveggja barna faðir og mikill ævintýramaður. Hann fór meðal annars á topp Kilimanjaro í október og gekk upp að grunnbúðum Everest í fyrra.