Sjáðu allt það helsta úr enska boltanum í dag

Nottingham Forest tók á móti Chelsea og steinlá á heimavelli 0-3 en Malo Gusto, leikmaður Chelsea, fékk rauða spjaldið í leikslok. Þetta reyndist síðasti leikur Forest undir stjórn Ange Postecoglou en hann var látinn taka poka sinn eftir leik.

Denny Welbeck skoraði bæði mörk Brighton sem lagði Newcastle 2-1 en Newcastle mönnum gengur illa að tengja saman sigra í upphafi tímabils.

Sex mörk voru skoruð í leik Crystal Palace og Bournemouth en Jean-Philippe Mateta skoraði þrennu fyrir Palace. Síðasta markið kom úr víti í uppbótartíma.

Manchester City tók á móti Everton og vann nokkuð þægilegan sigur þar sem Haaland skoraði bæði mörk City.

Lokaleikur dagsins var Lundúnaslagur Fulham og Arsenal þar sem gestirnir höfðu betur 0-1.