Líður eins og hann sé með geim­skip á hausnum

Rodgers er einn besti leikstjórnandi allra tíma en hann hefur spilað í NFL-deildinni síðan 2005 eða í tvo áratugi. Rodgers lék síðast með New York Jets en hann var fjórum sinnum valinn mikilvægasti leikmaður deildarinnar þegar hann var hjá Green Bay Packers.

Hjálmurinn sem Rodgers notaði á síðasta tímabil og sá sem hann hefur notað alla tíð er nú ólöglegur í deildinni.

Schutt Air XP Pro Q11 LTD hjálmurinn fellur nú á öryggiskröfum í NFL. Rodgers er því að reyna að venjast nýjum hjálm sem stenst þessar fyrrnefndu öryggiskröfur.

„Ég er ekki hrifinn af honum. Ég er að reyna að breyta um hjálm en við erum enn að vinna í þessu. Það er eins og ég sé með geimskip á hausnum,“ sagði Aaron Rodgers við blaðamenn eftir æfingu liðsins.

„Við verðum samt að breyta um hjálm. Andlitsgríman passar ekki á hjálminn af hún er gömul bara eins og ég sjálfur. Við erum að reyna að finna hjálm sem hentar betur,“ sagði Rodgers.