Arnar með met í 100 km: „Sýnist þetta vera níundi hraðasti tíminn í heiminum“

Arnar segir frá þessu á miðlum sínum en hann kláraði hlaupið á sex klukkutímum, 45 mínútum og 16 sekúndur.

Arnar var þannig að klára hvernig kílómetra á fjórum mínútum og þremur sekúndum að meðaltali.

„Mér sýnist þetta vera níundi hraðasti tíminn í heiminum í ár. Trúi þessu ekki ennþá. Ólýsanleg tilfinning að setja Íslandsmet og sigra sólina í fyrsta skipti,“ skrifaði Arnar og lofaði lengri sögu síðar en hann þurfti örugglega að hvíla sig eftir þetta mikla afrek.

Bergsveinn Ólafsson varð í öðru sæti í 100 km hlaupinu á 10:11:30 klst. sem þýðir að Arnar var rúmum þremur klukkutímum og 26 mínútum á undan honum. Mari Jaersk varð þriðja og efst kvenna á 10:53:19 klst.

Fjórði varð Egill Trausti Ómarsson og svo komu þær Erla Dögg Halldórsdóttir og Guðný Hrund Rúnarsdóttir. Hér má sjá öll úrslitin.