Viðbragðsaðilar kallaðir út vegna elds í sanddæluskipi á Ísa­firði

Áhöfn þyrlu Landhelgisgæslunnar var sett í viðbragðsstöðu á Reykjavíkurflugvelli.

Eldurinn kom upp í vélarrúmi sanddæluskipsins og fylgdi sögu að skipið þyrfti aðstoð við að komast í land. Fimm voru um borð en þá sakaði ekki.

Tilkynningin barst klukkan 23:26 en klukkan 23:39 tilkynnti skipstjórinn að mögulega væri búið að kæfa eldinn.

Nokkrum mínútum síðar kom björgunarskipið Gísli Jóns að Álfsnesinu og rétt eftir miðnætti var vinna hafin við að koma Álfsnesinu að bryggju á Ísafirði.

Aðstæður til aðgerða voru góðar, samkvæmt tilkynningu frá Landhelgisgæslunni.