Sósíal­istar deila um peninga og metþátttaka í ó­lög­legri baráttugöngu

Greint verður nánar frá deilunum í kvöldfréttum Sýnar og rætt við fulltrúa úr báðum fylkingum innan flokksins.

Neytendasamtökunum hafa borist kvartanir vegna aflýstra flugferða til og frá landinu. Formaður samtakanna brýnir fyrir fólki að nýta rétt sinn þegar svo ber undir. Dæmi séu til um að flugfélög veigri sér við því að upplýsa um fullan rétt neytenda.

Tugir þúsunda tóku þátt í baráttugöngu fyrir réttindum hinsegin fólks sem fram fór í Búdapest, höfuðborg Ungverjalands í dag, í trássi við vilja stjórnvalda þar í landi sem gáfu ekki leyfi fyrir göngunni. Hópur frá Samtökunum 78' á Íslandi var meðal þátttakenda í göngunni en við heyrum í formanni samtakanna í fréttatímanum. 

Í fréttatímanum lítum við einnig við á hátíðinni í Hjarta Hafnarfjarðar sem var formlega opnuð um helgina og komum við á Stöðvarfirði þar sem bæjarhátíðin Støð í Stöð sem þar fer fram um helgina.

Það styttist óðum í EM kvenna í fótbolta en stelpurnar okkar fara yfir til Sviss með sjálfstraustið í botni eftir öruggan sigur á Serbum í síðasta leik fyrir EM.