Handbolti

Ís­lendingar völtuðu yfir Mexíkó á HM

Aron Guðmundsson skrifar
Íslenska landsliðið vann öruggan sigur á HM í dag
Íslenska landsliðið vann öruggan sigur á HM í dag Mynd: IHF

Íslenska landsliðið í handbolta, skipað leikmönnum tuttugu og eins árs og yngri, vann nokkuð öruggan sautján marka sigur á Mexíkó, 41-24, á HM tuttugu og eins árs landsliða í Póllandi í dag.

Leikurinn fór fram í Katowice og var í keppni liðanna um sæti sautján til tuttugu og fjögur á mótinu, svokölluðum Forsetabikar.

Skemmst er frá því að segja að sigur Íslands var aldrei í hættu í dag, Strákarnir okkar leiddu með átta mörkum í hálfleik og létu forystuna aldrei af hendi.  

Markahæstur í liði Íslands í dag var Sigurður Snær Sigurjónsson með átta mörk. 

Næsti leikur Íslands á mótinu fer fram á miðvikudaginn kemur. Þar mætir íslenska liðið landsliði Marokkó sem bar sigurorðið af liði Norður-Makedóníu fyrr í dag. 

Handbolti Landslið karla í handbolta

Mest lesið


Fleiri fréttir

Sjá meira


×

Mest lesið