Dolezaj til liðs við nýliðana

Ármann greinir frá tíðindunum á samfélagsmiðlum sínum, en Dolezaj, sem er 27 ára gamall, kemur til liðsins frá Keflavík þar sem hann hefur leikið síðustu tvö tímabil. Með Keflavík varð Dolezaj bikarmeistari árið 2024. Hann skilaði að meðaltali 11,6 stigum í leik á sínu fyrsta tímabili fyrir Keflvíkinga, tók 6,9 fráköst og gaf tvær stoðsendingar.

Áður en hann kom til Íslands lék Dolezaj háskólakörfubolta með Syracuse University í Bandaríkjunum og hefur síðan þá leikið með liðum í Grikklandi, Úkraínu og Þýskalandi. Hann er einnig fastamaður í slóvakíska landsliðinu.