Gísli Þor­geir og Ómar Ingi Evrópu­meistarar

Leikurinn var hin besta skemmtun og ekki eina uppgjör liðanna á leiktíðinni þar sem þau eru bæði í baráttunni um þýska meistaratitilinn. 

Eftir jafnar upphafsmínútur tók Magdeburg öll völd á vellinum og var fjórum mörkum yfir í hálfleik. Íslenska tvíeykið kom að fjórum af síðustu fimm mörkum liðsins í síðari hálfleik þegar Magdeburg breytti stöðunni úr 11-10 í 16-12.

Það sama var upp á teningnum í síðari hálfleik en refirnir frá Berlín komust í raun aldrei inn í leikinn af neinni alvöru. Fór það svo að Magdeburg vann öruggan sex marka sigur, 32-26, og tryggði sér þar með sigur í Meistaradeild Evrópu.

Það er svo sem ekkert nýtt að íslenska tvíeykið beri af þegar Magdeburg landar stórum sigrum. Gísli Þorgeir var markahæstur allra á vellinum í með átta mörk ásamt því að gefa tvær stoðsendingar. Ómar Ingi skoraði sex mörk og gaf þrjár stoðsendingar.