Bjart suðvestan­til en skýjað fyrir norðan og austan

Á vef Veðurstofunnar segir að það verði skýjað að mestu norðan- og austanlands, og sums staðar dálítil él. Það verði hins vegar yfirleitt bjart á suðvestanverðu landinu.

„Hiti er nálægt frostmarki víða um land þegar þetta er skrifað, en eftir hádegi verður hitinn 0 til 9 stig, hlýjast suðvestantil.

Á morgun verður austan 5-13 m/s og skýjað syðst á landinu, en annars hægari og bjart veður. Hiti 2 til 10 stig að deginum, hlýjast sunnan- og suðvestantil.

Á fimmtudag gera spár ráð fyrir austan og suðaustan 8-15 m/s, skýjað að mestu og dálítil væta, en hægari og bjart með köflum norðanlands. Hiti 6 tli 13 stig yfir daginn,“ segir í hugleiðingum veðurfræðings.

Veðurhorfur á landinu næstu daga

Á miðvikudag: Hæg breytileg átt og bjartviðri, en austan 5-13 m/s sunnanlands og skýjað með köflum. Hiti 5 til 10 stig, en allvíða næturfrost.

Á fimmtudag (sumardagurinn fyrsti): Austlæg átt 5-10, en 10-15 við suðurströndina. Skýjað og sums staðar dálítil rigning á suðaustanverðu landinu, en bjartviðri norðan- og vestanlands. Hiti frá 4 stigum austast á landinu, upp í 12 stig á Suðvesturlandi.

Á föstudag, laugardag og sunnudag: Suðaustan 8-15 og rigning með köflum, en úrkomulítið á norðanverðu landinu. Hiti 5 til 12 stig.

Á mánudag: Útlit fyrir suðvestlæga átt. Skúrir víða um land, en lengst af þurrt austantil. Hiti 6 til 12 stig að deginum.