Víða bjart yfir landinu í dag

Á páskadag verður lægðin komin austur af landinu og austanstrekkingur við suðurströndina. Annars hægari vindar. Skýað með köflum víða um land en léttskýjað vestanlands. 

Á mánudag verður áfram svipað veður en stöku él fyrir austan og við norðurströndina. Fremur milt veður að deginum en víða næturfrost.

Veðurhorfur á landinu næstu daga

Á mánudag (annar í páskum):

Norðaustan 8-13 m/s suðaustantil, annars hægari vindur. Skýjað með köflum austanlands og á Vestfjörðum og líkur á dálitlum éljum, en bjart að mestu í öðrum landshlutum. Hiti 0 til 8 stig yfir daginn, mildast á Vesturlandi, en allvíða næturfrost.

Á þriðjudag:

Austlæg eða breytileg átt 3-10 og skýjað með köflum, en léttskýjað á Norðurlandi. Hiti breytist lítið.

Á miðvikudag:

Fremur hæg austlæg eða breytileg átt og bjart með köflum. Hiti 1 til 10 stig yfir daginn, hlýjast á Vesturlandi.

Á fimmtudag (sumardagurinn fyrsti) og föstudag:

Suðaustan- og austanátt og bjart að mestu, en dálítil væta suðaustantil. Hiti 3 til 12 stig að deginum, mildast suðvestanlands.