Stöku skúrir eða slyddu­él sunnan heiða

Frá þessu segir á vef Veðurstofunnar. Þar kemur fram að víða verði vægt frost, en tvö til sjö stig við suðurströndina.

Heldur hægari norðaustlæg átt á morgun og þá dregur víða úr úrkomu. Spár gera ráð fyrir að lægðardrag myndist við suðurströndina og má búast við snjókomu eða slyddu syðst á landinu annað kvöld.

Áfram norðaustlæg átt á laugardag og snjókoma eða él norðan- og austanlands, en þurrt að kalla suðvestan- og vestantil. Hiti breytist lítið.

Veðurhorfur á landinu næstu daga

Á föstudag: Norðan og norðaustan 5-13 m/s. Dálítil él, en líkur á snjókomu syðst um kvöldið. Frost víða 0 til 5 stig.

Á laugardag: Austan og norðaustan 5-13 og él, en þurrt á Suðvestur- og Vesturlandi. Heldur hvassara og slydda eða snjókoma suðaustantil. Fremur svalt áfram.

Á sunnudag: Fremur hæg norðlæg eða breytileg átt. Víða él eða snjókoma, en þurrt að kalla suðvestanlands. Vægt frost, en hiti að 5 stigum syðst.

Á mánudag: Norðvestlæg átt og dálítil él norðantil, en léttir til sunnan heiða. Hiti breytist lítið.

Á þriðjudag: Vaxandi austanátt og fer að rigna síðdegis, en lengst af þurrt og bjart norðaustantil. Hlýnar í veðri.

Á miðvikudag: Snýst í ákveðna norðaustanátt með snjókomu og kólnandi veðri, en hægari, milt veður og dálítil væta sunnantil.