Feyenoord rak eftir­mann Arne Slot

Brian Priske var ráðinn í júní og skrifaði þá undir þriggja ára samning. Hann var rekinn í dag.

Priske var að undirbúa liðið fyrir leiki á móti ítalska félaginu AC Milan í umspili Meistaradeildarinnar og tímasetningin þykir því sérstök.

Síðasti leikurinn undir stjórn Priske var 3-0 sigur á Sparta Rotterdam um helgina en það var fyrsti deildarsigur liðsins í fimm leikjum. Feyenoord er tólf stigum á eftir toppliði Ajax.

Í yfirlýsingu Feyenoord kemur fram að skortur á stöðugleika þegar kemur úrslitum og slök samskipti séu ástæðan.

Feyenoord vann 3-0 sigur á Bayern München í síðasta mánuði en tapaði síðan 6-1 á móti Lille í lokaleik deildarhluta Meistaradeildarinnar. Það er búist við því að Feyenoord tilkynni tímabundinn þjálfara á morgun.