Gæsahúð þegar dansarar sviptu hulunni af goðsagnakenndum bíl

Askja 6. desember 2024 15:39

Magnað dansatriði rammaði inn frumsýningu á rafmögnuðum G-Class.

„Þegar við frumsýnum svona flaggskip þá tjöldum við öllu til, þetta er goðsagnakenndur bíll sem á stóran stað í hjarta margra. Okkar markmið var að skapa hughrif og tilfinningar og það tókst. Fólk fékk gæsahúð,“ segir Sigrún Ágústa Helgudóttir, vörumerkjastjóri Mercedes-Benz, en hún fékk listræna stjórnandann Stellu Rósenkranz til að hanna opnunaratriði frumsýningar Öskju á rafmögnuðum G-Class.

Stella Rósenkranz (t.v) hannaði opnunaratriðið á frumsýningu Öskju.

Stella hefur unnið með mörgum af stærstu listamönnum Íslands og er þessar um þessar mundir meðal annars að vinna með IceGuys.

„Að eiga Mercedes-Benz er lífstíll og það er okkar hlutverk að skapa umhverfi sem fólk vill vera partur af, hvort sem það snýst um nýjungar, gæði eða ógleymanleg auknablik eins og þessi,“segir Sigrún.

Hér fyrir neðan má sjá myndband frá afhjúpuninni.

Trúr klassískri ferkantaðri hönnun

Frumsýningin markar tímamót í sögu þessa bíls, sem kom fyrst út 1979, en nú er hann alrafmagnaður. Einhverjir voru mögulega skeptískir á nýju raf-útgáfuna en hér hallar alls ekki á klassíska hönnunina né aksturseiginleika bílsins.

Jón Trausti, forstjóri Öskju og Jónas Kári, framkvæmdastjóri vörustýringar, ávörpuðu gesti.

„G-Class hefur frá upphafi verið tákn um styrk, glæsileika og óstöðvandi getu – og nýr G 580 með EQ tækni heldur áfram að skrifa þá sögu með framúrskarandi rafmagnstækni og óviðjafnanlegri torfærugetu,“ segir Jón Trausti, forstjóri Öskju.

Fyrsti G-Class bíllinn var kynntur árið 1979 og líkt og fyrri módel, er hönnun G 580 byggð á hinu fræga ferkantaða útliti, sterkum framenda og glæsilegum brettaköntum. Nýja útgáfan er trú sinni arfleifð og hönnunin G-Class í gegn.

Útlitsbreytingar bílsins eru fínlegar, vélarhlíf örlítið hækkuð, vindskeið hefur verið komið fyrir á þakinu og svokallaðar loftgardínur eru staðsettar við afturhjólin.

Þessir þættir minnka loftmótstöðu og stuðla þannig að betri hljóðupplifun inni í bílnum og lægra veghljóði en áður.

Snýst í 360 gráður á staðnum

Bíllinn er 587 hestöfl er aðeins 4,7 sekúndur í 100 km/klst og hefur drægni allt að 473 km með 116 kWh rafhlöðu.

Með nýrri tækni eins og „G-turn“, gerir bílnum kleift að snúa sér í 360 gráður á staðnum eins og þekkt er orðið. „G-Steering“ minnkar beygjuradíus og gerir G 580 einstaklega færan í torfærum. Auk þess hefur bíllinn aukna vaðdýpt upp á 85 cm.