Norðan­átt og élja­lofti beint til landsins

Þetta kemur fram á vef Veðurstofunnar. Þar segir að hæðarhryggurinn verði kominn yfir Austurland seint í kvöld og snúist þá í suðvestanátt og þykkni upp vestantil.

Reikna má með norðan átta til fimmtán metrum á sekúndu, en þrettán til átján metrum á sekúndu suðaustantil í fyrstu.

„Dálítil él norðaustanlands, en annars bjart að mestu. Frost 0 til 8 stig.

Breytileg átt, 3-10 eftir hádegi og léttir smám saman til í fyrir norðan, en norðvestan 10-15 austanlands fram eftir degi og herðir á frosti. Þykknar upp vestantil í kvöld,“ segir á vef Veðurstofunnar.

Á morgun, þriðjudag verður kominn suðvestankaldi eða -strekkingur með lítilsháttar skúrum eða éljum á vesturhelmingi landsis og heldur hlýnandi veðri þar. „Hægara og áfram bjartviðri eystra, en hiti kringum frostmark. Útlit fyrir svipað veður framan af miðvikudegi, þó heldur vinda- og úrkomusamara. Síðan snýst í norðanátt með talsverðri úrkomu og heldur kólnandi veður fyrir norðan, ef að líkum lætur.“

Veðurhorfur á landinu næstu daga

Á þriðjudag: Suðvestan 8-15 m/s, hvassast norðvestanlands og lítilsháttar skúrir eða él með hita 1 til 6 stig, en bjartviðri og vægt frost um landið austanvert.

Á miðvikudag: Suðvestan 10-18 m/s og skúrir eða él, en hægara og yfirleitt þurrt austanlands. Hiti 0 til 6 stig.

Á fimmtudag: Gengur í norðaustan 13-20 m/s og kólnar með snjókomu, en hægari og rigning eða slydda sunnantil fram eftir degi.

Á föstudag: Stíf norðaustlæg átt, snjókoma eða slydda um landið norðanvert og vægt frost, en hlýnar með rigningu sunnanlands.

Á laugardag: Ákveðin norðaustanátt og snjókoma norðvestantil, en annars mun hægari suðaustlæg átt og dálítil slydda eða rigning.

Á sunnudag (fullveldisdagurinn): Útlit fyrir suðaustanátt með rigningu og hlýnandi veðri.