#ÉgKýs: Kosningafundur ungs fólks

Fundurinn fer fram undir yfirskriftinni „#ÉgKýs hagsmuni ungs fólks“ og er ætlað að vera helsti vettvangur ungs fólks til að kynna sér stefnumál flokkanna og afstöðu frambjóðenda til áherslumála yngri kynslóða. Fundurinn verður haldinn í Sjálfsstæðissalnum við Austurvöll og hefst kl. 14 í dag. Fylgjast má með fundinum í beinu streymi hér að neðan.

Með kosningafundinum verður lýðræðisherferðinni og átaksverkefninu #ÉgKýs ýtt úr vör í aðdraganda skuggakosninga sem fram fara í öllum framhaldsskólum landsins þann 21. nóvember og alþingiskosninga þann 30. nóvember. Markmið #ÉgKýs verkefnisins er að efla lýðræðisvitund og hvetja ungt fólk til að kjósa eftir upplýstri ákvörðun í von um að kosningaþátttaka ungs fólks aukist. 

Fundarstjóri fundarins er Kristín Ólafsdóttir fréttakona á Stöð 2, Vísi og Bylgjunni.