Chris Wood á­fram sjóð­heitur og Forest upp í fimmta sæti

Chris Wood tryggði Forest sigurinn með tveimur mörkum í seinni hálfleik eftir að það var jafnt í hálfleik, 1-1.

Forest liðið hefur aðeins tapað einu sinni í fyrstu níu umferðunum og er komið með sextán stig. Liðið gæti dottið neðar í töfluna því liðin í kring eiga eftir að spila um helgina.

Chris Wood hefur verið sjóðandi heitur í framlínu liðsins og er ekkert að kólna. Hann er kominn með sjö mörk í aðeins níu deildarleikjum á þessu tímabili.

Ryan Yates kom Forest yfir á sextándu mínútu en Jamie Vardy jafnaði eftir stoðsendingu á Harry Winks sjö mínútum síðar.

Wood skoraði fyrra markið sitt á 47. mínútu en það síðara kom með skalla á 60. mínútu.