Hinn fal­legasti dagur í vændum

Á vef Veðurstofunnar segir að annars staðar á landinu sé fremur hæg norðlæg eða breytileg átt í kortunum í dag með þurru og björtu veðri - hinn fallegasti dagur í vændum.

Það er frekar kalt í norðanáttinni, en sólin nær þó aðeins að ylja yfir hádaginn.Hiti verður á bilinu null til fimm stig norðantil, en fimm til níu sunnanlands yfir daginn.

Í kvöld og nótt fer að blása úr suðri og þykknar upp. Á morgun er útlit fyrir suðvestan kalda eða stinningskalda með súld eða dálítilli rigningu víðast hvar, þó það ætti að hanga þurrt austantil á landinu. Hlýrri loftmassi berst yfir og hiti víða á bilinu 6 til 10 stig eftir hádegi á morgun,“ segir í hugleiðingum veðurfræðings.

Veðurhorfur á landinu næstu daga

Á þriðjudag: Suðvestan 8-13 m/s og súld eða dálítil rigning, en þurrt að kalla austanlands. Hiti 5 til 10 stig.

Á miðvikudag: Suðlæg átt 3-10 með vætu, en þurrt um landið austanvert. Hiti breytist lítið.

Á fimmtudag: Gengur í austan og norðaustan 8-15. Rigning með köflum í flestum landshlutum og hiti 3 til 8 stig.

Á föstudag, laugardag og sunnudag: Útlit fyrir ákveðna norðaustanátt. Dálitlir skúrir eða él norðaustan- og austanlands. Léttskýjað að mestu á sunnan- og vestanverðu landinu. Hiti yfir daginn frá frostmarki á Norðausturlandi, upp í 8 stig með suðurströndinni.