Handbolti

Fram og ÍR með stór­sigra í Olís-deildunum

Runólfur Trausti Þórhallsson skrifar
Þórey Rósa var frábær í liði Fram í kvöld.
Þórey Rósa var frábær í liði Fram í kvöld. Vísir/Hulda Margrét

Stjarnan átti sér ekki viðreisnar vorn þegar liðið sótti Fram heim 1. umferð Olís-deildar kvenna í handbolta. Þá vann ÍR öruggan sigur á Fjölni í 1. umferð Olís-deildar karla.

Í Úlfarsárdal tók Fram á móti Stjörnunni og vann 11 marka sigur etir að leiða með sex mörkum í hálfleik, lokatölur 33-22.

Þórey Rósa Stefánsdóttir var markahæst í liði Fram með 8 mörk. Þar á eftir komu Alfa Brá Oddsdóttir Hagalín og Sóldís Rós Ragnarsdóttir með 7 mörk hvor á meðan Steinunn Björnsdóttir skoraði fjögur.

Hjá Stjörnunni var Eva Björk Davíðsdóttir markahæst með 6 mörk og Anna Karen Hansdóttir kom þar á eftir með 5 mörk.

Í Grafarvogi var ÍR í heimsókn og unnu gestirnir einkar þægilegan tíu marka sigur, lokatölur 26-36. Baldur Fritz Bjarnason fór hamförum í liði ÍR og gerði 13 mörk. Þar á eftir kom Bernard Kristján Owusu Darkoh með 9 mörk. Þá var Björgvin Páll Rúnarsson markahæstur í liði Fjölnis með 9 mörk.

Handbolti Olís-deild karla Olís-deild kvenna Fram Stjarnan ÍR Fjölnir

Mest lesið


Fleiri fréttir

Sjá meira


×

Mest lesið