West Ham, Fulham og Forest sóttu sína fyrstu sigra

West Ham, sem mátti þola 2-1 tap gegn Aston Villa í fyrstu umferð, vann nokkuð öruggan 2-0 útisigur er liðið sótti Crystal Palace heim.

Eftir markalausan fyrri hálfleik skoruðu þeir Tomas Soucek og Jarrod Bowen fyrir Hamrana á 67. og 72. mínútu og niðurstaðan því 2-0 sigur gestanna.

Í Lundúnum vann Fulham svo sterkan 2-1 sigur gegn nýliðum Leicester eftir að hafa tapað 1-0 gegn Manchester United í fyrstu umferð deildarinnar. Fyrrverandi Arsenal-mennirnir Emile Smith Rowe og Alex Iwobi sáu um markaskorun heimamanna, en Wout Faes skoraði mark Leicester.

Að lokum tryggði Morgan Gibbs-White Nottingham Forest 1-0 útisigur gegn Southampton.