Leik­menn Tottenham ó­af­vitandi að koma sér í vand­ræði á X-inu

Svo slæmt er ástandið á samfélagsmiðlum að félagið taldi sig þurfa að gera málið opinbert.

Tottenham segir að félagið hafi tekið eftir þessu en leikmenn Tottenham eru þar með óafvitandi að koma sér í vandræði á X-inu þrátt fyrir að vera alveg blásaklausir af öllu sem er skrifað undir þeirra nafni.

„Við vitum af þessum reikningum á X þar sem fólk er að þykjast vera okkar leikmenn. Það eru einkum þeir Lucas Bergvall og Luka Vuskovic sem verða fyrir þessu. Við erum að vinna með samfélagsmiðlinum X til að láta fjarlægja þessa reikninga,“ segir í yfirlýsingu Tottenham.

Tottenham tók það líka fram að hvorki Bergvall né Vuskovic séu með reikning á X-inu.

Hinn sænski Bergvall hefur vakið athygli fyrir góða frammistöðu á undirbúningstímabilinu og hann kom inn á sem varamaður í fyrstu umferð ensku úrvalsdeildarinnar.