Létt­skýjað og allt að fimm­tán stig á Suður- og Vestur­landi

Á morgun gera svo spár, samkvæmt veðurfræðingi, ráð fyrir því að lægð fari til austurs fyrir sunnan land.

„Meginregnsvæði lægðarinnar nær inn á sunnanvert landið og þar verður því lengst af rigning. Í öðrum landshlutum verður skýjað og búast má við dropum öðru hvoru, einkum þegar líður á daginn. Við suðurströndina á miðvikudaginn verður allhvass austan vindstrengur, sem getur verið varasamur fyrir þau ökutæki sem viðkvæmust eru fyrir vindi,“ segir í hugleiðingum hans og að hiti verði líklega á bilinu sex til 12 stig.

Á fimmtudag er síðan útlit fyrir að áðurnefnd lægð verði komin fyrir austan land og þá gengur í norðanátt með súld og rigningu, en þurrt að kalla sunnantil á landinu.

Greiðfært er um land allt en gott er að fylgjast með uppfærslum á vef Vegagerðar um framkvæmdir og færð og um veður á vef Veðurstofunnar.

Veðurhorfur á landinu næstu daga

Á miðvikudag:

Austan og norðaustan 5-13 m/s, en 13-18 við suðurströndina. Rigning sunnan- og suðaustanlands. Skýjað í öðrum landshlutum og dálítil væta af og til síðdegis. Hiti 6 til 12 stig.

Á fimmtudag:

Norðan 8-13 og súld eða rigning, en þurrt að kalla á sunnanverðu landinu. Hiti 5 til 12 stig, mildast syðst.

Á föstudag og laugardag:

Norðlæg átt og rigning, einkum á Norðurlandi, en skýjað með köflum og úrkomulítið sunnan heiða. Hiti breytist lítið.

Á sunnudag:

Norðvestan- og vestanátt með dálítilli vætu norðanlands, en þurrt annar staðar. Hiti 6 til 13 stig, hlýjast á Suðurlandi.

Á mánudag:

Suðvestlæg eða breytileg átt og víða léttskýjað. Hiti 8 til 14 stig að deginum.