Hin­­segin­fáni skorinn niður í Hvera­­gerði

Aðfararnótt fimmtudags voru skemmdarverk unnin á regnbogafánanum í Skólamörk í Hveragerði. Fáninn var málaður á götuna í tilefni Hinsegin daga á miðvikudaginn. Pétur Markan bæjarstjóri sagði skemmdarverkin augljósa hatursorðræðu og kvaðst ætla mæta þessu með því að stækka fánann.

Sennilega sömu aðilar að verki

Birna Sif Atladóttir, framkvæmdastjóri hjúkrunar á Ási í Hveragerði, vakti athygli á því í dag á Facebook að hinseginfáninn við hlið hjúkrunarheimilisins hefði verið skorinn niður. Hún segir sömu aðila sennilega vera að verki og unnu skemmdarverkin á götunni.

Hún vill senda fólkinu sem vann skemmdarverkin ást og frið.

„Þeir eru bara fáfróðir og hræddir. Það þarf að leggja áherslu á það að þetta er bara fólk sem veit ekki betur og þarf bara að fræða,“ segir hún.

„Það er ekkert hatur frá okkur, það er bara ást og friður,“ segir hún.