Hval­fjarðar­göngin opnuð á ný

Sigríður Inga Sigurðardóttir segist ekkert vita um tildrög eða umfang árekstursins en segir að reikna megi með því að það verði einhver töf.

Árni Friðleifsson aðalvarðstjóri umferðardeildar hjá lögreglunni á höfuðborgarsvæðinu segir tjón hafa orðið á tveimur bílum en minniháttar slys á fólki. Unnið sé að því að fjarlægja bílana og segir Árni að göngin ættu að opna fljótlega.

Hann segir áreksturinn hafa verið minni en á horfðist.

Uppfært 14:48: Göngin hafa verið opnuð á nýjan leik. Vegfarendur eru hvattir til að halda góðu bili í göngunum, þar sem búist er við mikilli umferð í göngunum í dag.