Verstu skemmdar­verk í sögu Lystigarðsins

Fram kemur á vef Hveragerðisbæjar að grasflötin sé sérstaklega viðkvæm um þessar mundir eftir mikla rigningartíð.

„En það virðist draga að sér skemmdarvarga sem hafa gaman af því að eyðileggja þennan fallega garð okkar,“ segir á vefnum.

„Nýlega lauk garðyrkjudeild bæjarins við að þökuleggja í sár í garðinum en nú er mikið af þeirri vinnu unnið fyrir gíg. Ef fram heldur sem horfir þá verður þessi grasflöt endanlega að svaði og mun þá ekki nýtast til hátíðarhalda eins og verið hefur og Lystigarðurinn ekki sama prýði sem við höfum verið stolt af.“

Fram kemur að þetta sé langt því frá í fyrsta skipti sem skemmdarverk séu unnin á grasflötinni. E líklegast séu þessi þau verstu hingað til.

„Þetta gerist ekki í tómarúmi og einhver veit hverjir þessir aðilar eru. Við hvetjum þá sem hafa einhverjar upplýsingar að snúa sér til Lögreglunar á Suðurlandi í tölvupóstfangið: sudurland@logreglan.is.“