Innlent

Fleiri aðildar­fé­lög BSRB semja við ríkið

Sólrún Dögg Jósefsdóttir skrifar
Tveir nýir kjarasamningar voru undirritaðir á sjötta tímanum í dag en áður hafði verið lokið við gerð þriggja kjarasamninga í gærkvöldi og nótt.
Tveir nýir kjarasamningar voru undirritaðir á sjötta tímanum í dag en áður hafði verið lokið við gerð þriggja kjarasamninga í gærkvöldi og nótt. BSRB

Samninganefndir Landssambands lögreglumanna og ríkisins hafa undirritað nýjan kjarasamning til fjögurra ára. Samningurinn var undirritaður í húsnæði ríkissáttasemjara á sjötta tímanum í dag.

Í fréttatilkynningu frá BSRB segir að líkt og þeir kjarasamningar sem aðildarfélög BSRB undirrituðu í gærkvöldi og í nótt feli samningurinn í sér sambærilegar launahækkanir og samið var um á almennum vinnumarkaði fyrr á árinu.

Auk Landssambands lögreglumanna undirrituðu fulltrúar sjö aðildarfélaga BSRB og samninganefndar ríkisins nýjan kjarasamning sem gildir eins og aðrir samningar frá 1. apríl 2024 til 31. mars 2028. Félögin sem samkomulagið nær til eru Kjölur - stéttarfélag starfsmanna í almannaþjónustu, Félag opinberra starfsmanna á Austurlandi, FOSS - stéttarfélag í almannaþjónustu, Starfsmannafélag Húsavíkur, Starfsmannafélag Kópavogs, Starfsmannafélag Suðurnesja og Starfsmannafélag Vestmannaeyjabæjar. 

Þá segir að á næstu dögum verði nýir kjarasamningar kynntir fyrir félagsfólki áður en þeir verða bornir undir atkvæði. Nú hafi aðildarfélög BSRB gengið frá kjarasamningum sem nái til meirihluta félagsfólks aðildarfélaga bandalagsins. Vonir standi til að gengið verði frá fleiri kjarasamningum á næstu dögum.

Kjaramál Kjaraviðræður 2023-24 Stéttarfélög

Tengdar fréttir

Ellefu aðildarfélög BSRB skrifa undir kjarasamninga

Ellefu aðildarfélög BSRB undirrituðu á öðrum tímanum í nótt nýjan kjarasamning við Samband íslenskra sveitarfélaga. Samið var á sambærilegum nótum og á almennum markaði í vor.

Mest lesið


Fleiri fréttir

Sjá meira


×

Mest lesið