Enski boltinn

Sjáðu Klopp-krakkana fara á kostum og sigur­mörk United og Chelsea

Óskar Ófeigur Jónsson skrifar
 Jayden Danns fagnar öðru marka sinna fyrir Liverpool á Anfield í gær.
 Jayden Danns fagnar öðru marka sinna fyrir Liverpool á Anfield í gær. Getty/Alex Livesey

Sextán liða úrslit ensku bikarkeppninnar kláruðust í gærkvöldi og þar með er ljóst hvaða lið spila í átta liða úrslitunum og hvaða lið mætast. Nú er líka hægt að sjá mörkin úr leikjum gærkvöldsins inn á Vísi.

Manchester United, Chelsea, Liverpool og Wolves voru síðustu liðin til að tryggja sig áfram. Áður höfðu Manchester City. Newcastle United, Coventry City og Leicester City unnið sínar viðureignir.

Jürgen Klopp, knattspyrnustjóri Liverpool, stillti upp ungu liði sem vann 3-0 sigur á b-deildarliði Southampton.

Hinn átján ára gamli Jayden Danns kom inn á sem varamaður og skoraði tvö mörk og jafnaldri hans Lewis Koumas kom Liverpool í 1-0 eftir stoðsendingu frá hinum nítján ára gamla Bobby Clark.

Klippa: Svipmyndir úr bikarsigri Liverpool á Southampton

Reynsluboltinn Casemiro skoraði eina mark Manchester United á 89. mínútu í 1-0 sigri á Nottingham Forest. Hann sá til þess að Manchester United og Liverpool mætast í átta liða úrslitunum.

Mario Lemina skoraði eina mark Úlfanna, strax á 2. mínútu, í 1-0 sigri Wolverhampton Wanderers á Brighton & Hove Albion.

Conor Gallagher skoraði sigurmark Chelsea á 90. mínútu í 3-2 sigri Chelsea á Leeds United. Nicolas Jackson og Mykhailo Mudryk skoruðu hin mörkin en Mateo Joseph var með bæði bæði mörk Leeds.

Mörkin úr leikjunum má sjá finn hér fyrir ofan og neðan.

Klippa: Svipmyndir úr bikarsigri Man. Utd á Nott. Forest
Klippa: Mörk úr bikarsigri Chelsea á Leeds
Klippa: Markið úr bikarsigri Wolves á Brighton
Enski boltinn

Mest lesið


Fleiri fréttir

Sjá meira


×

Mest lesið