Kyrr­stæð lægð dælir til okkar élja­lofti

Í hugleiðingum veðurfræðings segir að úrkomulítið verði á Norðaustur- og Austurlandi á morgun, en éljagangur í öðrum landshlutum og síðdegis mun svo heldur að lægja.

Frost verður á bilinu núll til sjö stigum.

Á sunnudag er spáð suðvestan kalda, en allhvössum vindi syðst á landinu. Él í flestum landshlutum og svalt í veðri.

Í tilkynningu frá Vegagerðarinnar segir að bakki með samfelldri snjókomu stefni nú óðfluga á suðvestanvert landið og er reiknað er með takmörkuðu skyggni á meðan hann gangi yfir. Á höfuðborgarsvæðinu verður hann líklega á ferðinni frá því um klukkan 8 til 10.

Veðurhorfur á landinu næstu daga

Á laugardag: Suðvestan 10-18 m/s, en 15-20 við suðurströndina fyrri part dags. Víða él, en þurrt að kalla um landið norðaustanvert. Frost 0 til 6 stig. Dregur úr vindi síðdegis.

Á sunnudag: Suðvestlæg eða breytileg átt 5-13 og snjókoma eða él. Hiti breytist lítið.

Á mánudag: Sunnanátt og rigning eða snjókoma, þó síst norðaustanlands. Hiti kringum frostmark.

Á þriðjudag: Suðlæg átt með snjókomu eða éljum og vægu frosti, en rigningu eða slyddu um tíma á Suðaustur- og Austurlandi.

Á miðvikudag: Norðlæg átt og él, en þurrt sunnan heiða. Kólnandi veður.

Á fimmtudag: Breytileg átt, stöku él og kalt í veðri.