Bíó og sjónvarp

Fyrsta stiklan úr nýrri gaman­mynd Sigur­jóns Kjartans­sonar

Kolbeinn Tumi Daðason skrifar
Halldór Gylfason og Hilmir Snær í hlutverkum sínum.
Halldór Gylfason og Hilmir Snær í hlutverkum sínum.

Fullt hús í leikstjórn Sigurjóns Kjartanssonar verður frumsýnd í janúar 2024 en um er að ræða gamanmynd um kammerhljómsveit í fjárhagskröggum. Staðan er svo slæm að hljómsveitin er tilbúin að fremja hvaða svívirðilega glæp sem er til að halda góða tónleika.

Einvala lið leikara fer með aðalhlutverkin í myndinni, leikarar eins og Hilmir Snær Guðnason, Helga Braga Jónsdóttir, Ilmur Kristjánsdóttir, Halldór Gylfason, Guðjón Davíð Karlsson, Vivian Ólafsdóttir, Hannes Óli Ágústsson, Jón Gnarr, Eggert Þorleifsson, Katla Margrét Þorgeirsdóttir, Pétur Magnússon, Unnur Ösp Stefánsdóttir, Sverrir Þór Sverrisson og Edda Björg Eyjólfsdóttir svo einhver séu nefnd.

Þetta er fyrsta mynd Sigurjóns í fullri lengd en hann er þekktur fyrir verk á borð við Fóstbræður og Ófærð ásamt því að vera annar Tvíhöfðanna og forsprakki rokkhljómsveitarinnar HAM.

Sýnishorn úr myndinni má sjá að neðan.

Helga Braga Jónsdóttir í hlutverki sínu.
Spilað á selló ofan í briminu.
Tár á hvarmi Helgu Brögu.
Guðjón Davíð Karlsson og Halldór Gylfason uppáklæddir.
Ber er hver að baki nema sér bróður eigi á vel við hér.
Eggert Þorleifsson og Jón Gnarr í hlutverkum sínum.
Fjölmenn sena úr myndinni.
Kvikmyndagerð á Íslandi


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.