Hvass­viðri víða á landinu í dag og gular við­varanir

Þeta kemur fram á vef Veðurstofunnar. Þar segir að eftir hádegi gangi þó aftur í suðvestan 15 til 23 metra á sekúndu með éljum og þá kólnar heldur aftur. Í nótt mun svo létta til austantil.

Gular viðvaranir eru í gildi á Suðurlandi, Faxaflóa, Breiðafirði, Vestfjörðum, Miðhálendi og Ströndum og Norðurlandi vestra vegna suðvestanáttarinna, dimmra élja og ofankomu. Víða má gera ráð fyrir að akstursskilyrði verði erfið. Viðvaranirnar eru sumar í gildi til miðnættis en nánar má lesa um þær á vef Veðurstofunnar.

„Annað kvöld dregur heldur úr vindi, en á sunnudaginn er aftur von á hlýju lofti með sunnanátt og slyddu eða snjókomu.

Það er því umhleypingasamt næstu daga,“ segir í hugleiðingum veðurfræðings.

Veðurhorfur á landinu næstu daga

Á laugardag: Suðvestan 8-15 m/s, hvassast við sjóinn. Éljgagangur, en þurrt að kalla á Norðaustur- og Austurlandi. Hiti nálægt frostmarki.

Á sunnudag: Suðlæg átt 5-13 m/s og rigning eða snjókoma með köflum, en lengst af þurrt norðaustanlands, hvassast syðst. Hiti í kringum frostmark.

Á mánudag: Vestlæg átt 5-10 m/s, en 10-15 með suðurströndinni. Él en að mestu bjart austantil. Kólnandi.

Á þriðjudag: Norðvestlæg átt með snjókomu eða éljum, en styttir upp sunnan heiða er líður á daginn. Frost 0 til 7 stig, en hiti um frostmark með suðurströndinni.

Á miðvikudag: Líklega suðlæg átt og rigning eða snjókomu. Hlýnandi, en áfram kalt norðaustantil.

Á fimmtudag: Útlit fyrir norðlæga átt með éljum, en að mestu bjart sunnantil.