Segir Rodgers ömur­lega mann­eskju og versta stjóra sem hann hefur haft

Rodgers var knattspyrnustjóri Liverpool þegar félagið keypti Balotelli frá AC Milan 2014. Hann náði sér ekki á strik hjá Liverpool og skoraði aðeins fjögur mörk í 28 leikjum áður en hann var lánaður aftur til Milan.

Síðan þá hafa Balotelli og Rodgers deilt opinberlega. Balotelli fór meðal annars ófögrum orðum um Rodgers í nýlegu viðtali.

„Brendan Rodgers er versti þjálfari sem ég hef nokkru sinni haft,“ sagði Balotelli.

„Hann er númer eitt þegar kemur að æfingum, að halda boltanum og spila á litlum völlum. En hann er ömurleg manneskja,“ bætti Balotelli við.

Hann leikur nú með Adana Demirspor í Tyrklandi. Rodgers er aftur á móti stjóri Celtic í Skotlandi.