Lætur Nu­nez heyra það eftir harka­lega upp­á­komu í Manchester

Leiknum lauk með 1-1 jafn­tefli og sýndi Liver­pool góða spretti í leiknum. Spretti sem Crooks segir Nu­nez hafa gert sitt besta til þess að varpa skugga yfir.

Það átti sér nefni­legast stað at­vik eftir leik þar sem að Nu­nez virtist eiga eitt­hvað ó­sagt við Pep Guar­diola, stjóra Manchester City. þjálfarar Liver­pool gengu hratt og örugg­lega á milli og skyldu kappana að. Jur­gen Klopp var snöggur að ganga á milli og dró Nu­nez í burtu með hraði og virtist jafn­framt glotta hressi­lega við tönn.

„Nu­nez reyndi sitt besta til þess að varpa skugga yfir góða frammi­stöðu Liver­pool,“ skrifar Crooks í upp­gjöri sínu á um­ferð helgarinnar í ensku úr­vals­deildinni á vef BBC. „Það færi honum betur að verja tíma sínum í að reyna finna lausn á því af hverju hann er ekki að skora mörk, fremur en að stofna til á­floga og láta pirring sinn bitna á knatt­spyrnu­stjóra and­stæðinganna eftir að hafa verið skipt af velli.“

Knatt­spyrnu­stjórar beggja liða gerðu lítið úr at­vikinu í við­tölum eftir leik og gera má ráð fyrir því að því sé hér með lokið.

Spennan er mikil í topp­bar­áttu ensku úr­vals­deildarinnar um þessar mundir. Arsenal kom sér upp í topp­sæti deildarinnar með 1-0 úti­sigri á Brent­ford á laugar­daginn. Manchester City situr í öðru sæti með 29 stig, einu stigi meira en Liver­pool sem vermir þriðja sætið. Þá er Aston Villa í 4.sæti með sama stiga­fjölda.