Hundrað leik­menn meiddir í ensku úr­vals­deildinni

Alls eru nú að minnsta kosti hundrað leikmenn á meiðslalistanum hjá liðunum tuttugu í ensku úrvalsdeildinni.

Nýjasti maðurinn á meiðslalistanum er markahæsti leikmaður deildarinnar en Erling Braut Haaland hjá Manchester City meiddist í landsleik á móti Færeyjum.

Staðan er verst hjá liðum Sheffield United og Newcastle sem eru bæði með níu menn meidda en aðeins einum leikmanna á eftir eru lið Tottenham og Manchester United.

Topplið Manchester City er með sex meidda menn eins og Chelsea, Liverpool, Brentford og Bournemouth.

Í raun er bara eitt lið í deildinni sem er með tóman meiðslalista samkvæmt samantekt Sport Bible en það er lið West Ham.

Staðan er líka ágæt hjá Everton, Burnley og Wolves sem eru bara með tvo leikmenn meidda.

Ef þú sérð ekki Instagram færsluna hér fyrir neðan er gott ráða að endurhlaða fréttina.