Stuðningsmenn Fulham boða mótmæli vegna miðaverðs

Ætlunin er að ganga að Craven Cottage, heimavelli Fulham, með gul spjöld sér í hendi og lyfta þeim upp í loft á 18. mínútu leiksins. FST og Fulham Lillies, stuðningsmannasveitir félagsins, gáfu frá sér sameiginlega yfirlýsingu þess efnis. 

Þar segir að miðaverð sé á góðri leið með að verða óviðráðanlegt og vegna þess að stjórnendur félagsins hafi ekki hlustað á ábendingar þeirra telji þeir sig þurfa að grípa til mótmælaaðgerða.

Yfirlýsingu Fulham Supporters' Trust má lesa í heild sinni hér. 

Miðaverð á leikinn gegn Manchester United er á bilinu 67£–160£ sterlingspund, sem FST segir vera hátt í fjörtíu prósenta hækkun frá árinu 2019. Þeir segja jafnframt að það séu ekki bara hækkanir á miðaverði í leikjum gegn stórum liðum heldur sjái þeir mikla hækkun í öllum viðureignum. 

Það eru ekki einungis stakir miðar á leiki sem hafa hækkað í verði, Fulham tilkynnti 18% verðhækkun á ársmiðum félagsins fyrir þetta tímabil og selur þá núna á 3.000£ sterlingspund, sem er hæsta ársmiðaverð allra félaga í deildinni.