„Þetta er eina skiptið sem ég hef orðið hræddur“

Óskar Logi segir frá þessu í Einka­lífinu á Vísi. Þáttinn má horfa á í heild sinni hér fyrir neðan en hann er einnig að finna á helstu streymis­veitum í hlað­varps­formi.

Þar ræðir Óskar barn­æskuna, hvernig það er að vera stór­stjarna í út­löndum en einnig svip­legt frá­fall eldri bróður hans sem hefur haft mikil á­hrif á hann.

Ný­kominn úr tón­leika­ferð um Suður-Ameríku

„Við vorum í sex löndum. Þetta var Brasilía, Argentína, Síle, Kosta-Ríka, Kólumbía og Mexíkó,“ segir Óskar. Hann segir að­dá­endur hafa verið gríðar­lega þakk­láta fyrir komu sveitarinnar.

„Það var fólk að bíða eftir okkur á flug­völlum, bíða eftir okkur á hótelum. Fók var að gráta þegar það hitti okkur og eitt­hvað sem við erum ekki vanir neins staðar annars staðar.“

Það er bara þannig?

„Það er bara svo­leiðis. Mér líður alltaf eins og ég sé að skrökva þegar ég segi frá þessu, af því að ég er bara ein­hver rauð­haus á Álfta­nesi,“ segir Óskar hlæjandi.

Hann segist reka minni til þess þegar að­dá­endur hafi fengið að hitta hljóm­sveitar­með­limi Vinta­ge Caravan að loknum tón­leikum í Mexíkó. Þá hafi orðið uppi fótur og fit í rúm­lega 300 manna hópi.

„Þetta er eina skiptið sem ég hef orðið hræddur á ævinni. Við förum alltaf beint að spjalla við fólk eftir tón­leika, að taka myndir og á­ritanir og eitt­hvað,“ segir Óskar.

„Í Mexíkó þá var ein­hver hring­stigi aftast í salnum og ég kem þarna fyrstur. Einn­hver einn spottar mig og svo koma 300 manns eða eitt­hvað og hlaupa að mér og byrja að kremja mig upp að vegg. Það þurftu ein­hverjir tveir jakka­fata­klæddir öryggis­verðir að koma og ýta fólki í burtu. Þarna vildi fólk verða fyrst með mér á mynd. Svo kom Alexander bassa­leikari niður stigann og þá ýtti gæi sem var ný­búinn að fá mynd með mér mér til hliðar til að fá mynd af honum,“ segir Óskar hlæjandi.

Hægt er að hlusta á þáttinn á öllum helstu hlaðvarpsveitum.