Ton­ey spilar á ný með Brent­­ford í dag: Var fundinn sekur um hundruð brota

Frá þessu greinir The Athletic í dag en það var í maí fyrr á þessum ári sem Toney var fundinn sekur um að brjóta veðmálareglur knattspyrnusambandsins. 

Af þessum átta mánuðum var Toney meinað að æfa fyrstu fjóra mánuði bannsins og sektaður um 50 þúsund pund. 

Brentford hefur sett saman sextán vikna áætlun fyrir Toney, sem sneri aftur til æfinga þann 18.september síðastliðinn, sem miðar að því að gera hann leikhæfan um leið og hann hefur setið af sér bannið. 

Brentford má spila Toney í æfingaleikjum á við þann sem félagið tekur þátt í síðar í dag en fyrsti mótsleikmaðurinn sem honum er heimilt að taka þátt í mun vera gegn Tottenham í ensku úrvalsdeildinni þann 30. janúar á næsta ári. 

Þrátt fyrir þetta langa bann eru afrek Toney inn á knattspyrnuvellinum fyrir bannið ekki gleymd. Þessi öflugi sóknarmaður skoraði 21 mark og gaf fimm stoðsendingar í 35 leikjum með Brentford á síðasta tímabili og eru sterk lið í ensku úrvalsdeildinni sögð á höttunum eftir honum. 

Þessar sögusagnir voru bornar undir knattspyrnustjóra Brentford, Danann Thomas Frank fyrir leik liðsins gegn Nottingham Forest á dögunum. Frank telur að Toney hafi ekki spilað sinn síðasta mótsleik fyrir Brentford.

„Við viljum ekki selja hann. Toney er frábær leikmaður sem hefur staðið sig vel fyrir okkur, skorað mikið af mörkum. Ég vil halda honum hjá okkur það sem eftir lifir af hans samningi.“

Samningur Toney við Brentford rennur sitt skeið eftir átján mánuði.