Sport

Trúlofuðu sig þegar þau komu í mark á HM í frjálsum

Ingvi Þór Sæmundsson skrifar
Hin nýtrúlofuðu Dominik Cerny og Hana Burzalova.
Hin nýtrúlofuðu Dominik Cerny og Hana Burzalova.

Ástin sveif svo sannarlega yfir vötnum á HM í frjálsum íþróttum í Búdapest. Göngupar frá Slóvakíu trúlofaði sig nefnilega á mótinu.

Þegar Hana Burzalova kom í mark í 35 km göngu á HM beið kærasti hennar, Dominik Cerny, eftir henni við endamarkið eftir að hafa gengið sömu vegalengd.

Þar kraup hann niður og bað kærustu sinnar. Burzalova sagði já og Cerny fagnaði með því steyta hnefa eins og sést hér fyrir neðan.

Cerny, sem er 25 ára, varð í 19. sæti í sinni keppni á tímanum 2:32,56 klukkustundum. Hin 22 ára Burzalova endaði í 28. sæti og náði sínum besta tíma á tímabilinu, eða 3:02,47 klukkustundir.

Frjálsar íþróttir Ástin og lífið

Mest lesið


Fleiri fréttir

Sjá meira


×

Mest lesið