Loksins spáð rigningu sem gæti lífgað uppá veiðina

Árnar eru margar hverjar orðnar mjög vatnslitlar og það er erfitt að veiða þær við þau skilyrði. Núna er komin veðurspá það sem töluverðri rigningu er spáð á fimmtudag og föstudag á vesturlandi og þá gæti komið ágætis kippur í veiðitölurnar í ánum þar. Þeir sem eiga eftir að verða svo heppnir að vera við árnar dagana eftir rigningu gætu verið í fínum málum en málið er að það er ekki gott að vera við ánna þegar hún er að hækka en frábært þegar hún nær jafnvægi eftir miklar rigningar. Það hefur reynsla undirritaðs verið síðustu þrjá áratugi við bakkann en með einhverjum undantekningum þó. Við vonum bara að þessi spá standi og það komist smá líf í veiðina svona á seinni hlutanum eftir næstum því sex vikur af þurrki.