Veður

Rigning með köflum en styttir upp síð­degis

Magnús Jochum Pálsson skrifar
Það verður rigning með köflum í dag samkvæmt Veðurstofunni en seinna í dag styttir upp.
Það verður rigning með köflum í dag samkvæmt Veðurstofunni en seinna í dag styttir upp. Vísir/Vilhelm

Veðurstofan gerir ráð fyir austan fimm til þrettán metrum á sekúndu í dag, en þrettán til átján metrum syðst. Rigning með köflum sunnan- og suðvestanlands, en styttir upp síðdegis. Skýjað austanlands, en allvíða bjartviðri norðantil á landinu.

Á morgun er spáð norðaustlægri eða breytilegri átt þremur til tíu metrum á sekúndu. Skýjað á austanverðu landinu, en bjart með köflum vestantil.

Hiti verður á bilinu tíu til tuttugu stig, þá verður svalast við austurströndina.

Veðurhorfur á landinu næstu daga

Svona verður veðrið á landinu næstu daga samkvæmt spá Veðurstofunnar.

Á laugardag: Norðaustlæg eða breytileg átt 3-8 m/s. Skýjað á austanverðu landinu, en bjart með köflum vestantil. Hiti tíu til tuttugu stig, hlýjast suðvestantil.

Á sunnudag: Hæg norðlæg eða breytileg átt og víða léttskýjað, en skýjað austanlands framan af degi. Hiti breytist lítið.

Á mánudag: Hæg breytileg átt og víða þurrt og bjart veður. Hiti tólf til tuttugu stig.

Á þriðjudag: Suðvestan 3-8 og bjartviðri, en sums staðar dálítil rigning vestanlands. Hiti tólf til átján stig.

Á miðvikudag og fimmtudag: Hæg suðlæg eða breytileg átt. Skýjað með köflum og lítilsháttar væta öðru hverju, en yfirleitt þurrt norðaustantil á landinu. Hiti tólf til átján stig.

Veður

Mest lesið


Fleiri fréttir

Sjá meira


×

Mest lesið