Laxinn mættur í Langá

Laxateljarinn er kominn niður í Langá og nýju búnaðurinn frá Vaka er búinn myndavél svo það er hægt að skoða laxana vel sem fara í gegn. Nú eru fyrstu laxarnir farnir í gegnum teljarann við fossinn Skugga og er það gleðiefni. Það er mikið vatn í Langá og fossinn þess vegna ólaxgengur og þá ætti að sjást hver einasti lax sem kemur til með að ganga upp í ána þangað til það sjatnar í henni og laxinn kemst líka upp Skugga. Langá opnar fyrir veiði 19. júní og eftir góðar opnanir í Norðurá og nú síðast í Þverá hljóta þeir sem byrja veiðar í ánni þetta sumarið að vera bjartsýnir en sami hópurinn hefur opnað ána í mörg ár.