Rúnar bestur og Elín Klara best og efnilegust

Sindri Sverrisson skrifar 8. júní 2023 12:27

Elín Klara Þorkelsdóttir var valin bæði best og efnilegust, og Rúnar Kárason valinn bestur, í Olís-deildunum í vetur. Samsett/HULDA MARGRÉT/Vilhelm

Það er umtalsverður munur á aldri og reynslu þeirra leikmanna sem í dag voru útnefndir bestu leikmenn Olís-deild karla og kvenna í handbolta á síðustu leiktíð. Fyrir valinu urðu Elín Klara Þorkelsdóttir og Rúnar Kárason.

Verðlaunahóf HSÍ fór fram í Minigarðinum í dag. Til stóð að hófið yrði í beinu streymi á Youtube-síðu HSÍ en ekkert varð af því.

Kosið var um það eftir að deildakeppninni í vor lauk hverjir hverjir hefðu skarað fram úr á leiktíðinni, eða sem sagt áður en að úrslitakeppnin hófst.

Elín Klara, leikstjórnandi Hauka, afrekaði það að vera kosin bæði best og efnilegust en hún er aðeins átján ára gömul.

Hinn 35 ára gamli Rúnar Kárason, hægri skytta ÍBV í vetur, var hins vegar valinn bestur í Olís-deild karla rétt eins og í úrslitakeppninni eftir að hafa orðið Íslandsmeistari. Hann kveður nú Eyjaliðið og spilar með Fram á næstu leiktíð.

Þjálfarar ársins í Olís-deildunum voru valdir þjálfarar deildarmeistaranna; Sigurður Bragason hjá kvennaliði ÍBV og Snorri Steinn Guðjónsson hjá karlaliði Vals, sem nú er orðinn landsliðsþjálfari.

Öll verðlaun á hófinu má sjá hér að neðan.

Háttvísiverðlaun HDSÍ:

Blær Hinriksson
Hrafnhildur Hanna Þrastardóttir

Dómarar ársins:

Anton Gylfi Pálsson
Jónas Elíasson

Olísdeildir:

Efnilegasti leikmaður Olísdeildar kvenna: Elín Klara Þorkelsdóttir, Haukar
Efnilegasti leikmaður Olísdeildar karla: Þorsteinn Leó Gunnarsson, Afturelding

Þorsteinn Leó Gunnarsson var efnilegastur í Olís-deild karla í vetur og vann sig inn í A-landsliðið.VÍSIR/HULDA MARGRÉT

Besti markvörður Olísdeildar kvenna: Marta Wawrzynkowska, ÍBV
Besti markvörður Olísdeildar karla: Björgvin Páll Gústavsson, Valur

Besti varnarmaður Olísdeildar kvenna: Sunna Jónsdóttir, ÍBV
Besti varnarmaður Olísdeildar karla: Alexander Örn Júlíusson, Valur

Besti sóknarmaður Olísdeildar kvenna: Hrafnhildur Hanna Þrastardóttir, ÍBV
Besti sóknarmaður Olísdeildar karla: Benedikt Gunnar Óskarsson, Valur

Sigurður Bragason gerði kvennalið ÍBV að bæði deildar- og bikarmeistara á síðustu leiktíð.vísir/Diego

Þjálfari ársins í Olísdeild kvenna: Sigurður Bragason, ÍBV
Þjálfari ársins í Olísdeild karla: Snorri Steinn Guðjónsson, Valur

Besti leikmaður Olísdeildar kvenna: Elín Klara Þorkelsdóttir, Haukar
Besti leikmaður Olísdeildar karla: Rúnar Kárason, ÍBV

Sigríðarbikarinn: Sunna Jónsdóttir, ÍBV

Valdimarsbikarinn: Rúnar Kárason, ÍBV

Grill66 deildir:

Efnilegasti leikmaður Grill66 deildar kvenna: Katrín Anna Ásmundsdóttir, Grótta
Efnilegasti leikmaður Grill66 deildar karla: Reynir Þór Stefánsson, Fram

Besti markvörður Grill66 deildar kvenna: Hildur Öder Einarsdóttir, ÍR
Besti markvörður Grill66 deildar karla: Sigurjón Guðmundsson, HK

Besti varnarmaður Grill66 deildar kvenna: Susan Ines Barinas Gaboa, Afturelding
Besti varnarmaður Grill66 deildar karla: Halldór Ingi Óskarsson, Víkingur