Sló met yfir fjölda ferða á topp E­verest

Hinn 53 ára Kami Rita leiddi hóp fjallgöngumanna á vegum félagsins Seven Summit Treks upp á toppinn og er hann sagður við góða heilsu eftir gönguna, að því er fram kemur í frétt AP.

Mikill fjöldi fjallgöngumanna bíða nú færis eftir að komast á topp Everest en tímabilið þar sem heimilt er að klífa fjallið hófst um helgina. Mikill fjöldi sérþjálfaðra sjerpa vinna að því að koma fyrir reipum og stígum til að auðvelda fólki, sem hefur til þess leyfi, að klífa tindinn.

Maí er talinn besti mánuðurinn til að klífa Everest þar sem mestar líkur eru þá á góðum veðuraðstæðum. Þegar líður á júní versnar jafnan veðrið og aðstæður verða varasamari.

Kami Rita komst fyrst á topp Everest árið 1994 og hefur farið á topp fjallsins á svo gott sem hverju ári síðan. Hann hefur auk þess komist á topp fjölda annarra af hæstu fjöllum heims, þar með talið K-2, Cho-Oyu, Manaslu og Lhotse.