Vill sjá meira unnið með styrkleika barna í grunnskólum

Í þættinum ræðir Guðrún við reynslumikla stjórnendur um starfsframa þeirra og feril. Í lýsingu á þættinum segir að þættirnir séu „Stutt spjall við leiðtoga víða að sem varpar ljósi á öfluga stjórnun, vaxandi vinnustaði, bestu ráð, góðar sögur, sæta sigra, súrar áskoranir, hagnýtar lexíur og lífsins speki.“

Ingibjörg Ösp Stefánsdóttir er gestur Guðrúnar í nýjasta þættinum en hún hefur starfað sem forstöðumaður samkeppnishæfnissviðs Samtaka atvinnulífsins, sem sviðsstjóri reksturs, mennta- og mannauðsmála Samtaka iðnaðarins, sem framkvæmdastjóri Hjallastefnunnar og sem framkvæmdastjóri Menningarhússins Hofs.

Ingi­björg er með MSc-gráðu í stjórn­un og stefnu­mót­un, BSc-gráðu í viðskipta­fræði auk þess sem hún er með vott­un í verk­efna­stjórn­un.

Ingibjörg segir meðal annars í þættinum að hún telji of lítið horft til styrkleika barna í grunnskólum en í Hjallastefnunni er sérstaklega horft til þeirra eiginleika sem hvort kynið um sig býr yfir, styrkleikar efldir og unnið með veikleika og þeir styrktir. Ingibjörg segir kynjaumræðu samtímans vissulega gera þessa umræðu nokkuð flóknari en áður, en það breyti ekki þeirri skoðun hennar að það að vinna með styrkleika barna sé sú nálgun sem hún myndi vilja sjá meira af í grunnskólum.

Þáttinn má hlusta á hér.