Fótbolti

Gott gengi Inter heldur á­fram

Runólfur Trausti Þórhallsson skrifar
Inter vann þægilegan sigur í kvöld.
Inter vann þægilegan sigur í kvöld. EPA-EFE/MATTEO BAZZI

Inter Milan vann Sampdoria 3-0 í síðasta leik dagsins í Serie A, ítölsku úrvalsdeildinni í fótbolta.

Heimamenn í Inter komust yfir eftir rétt rúmar 20 mínútur þegar Hakan Çalhanoğlu tók hornspyrnu á kollinn á Stefan de Vrij sem stangaði boltann í netið. Nicolò Barella tvöfaldaði forystuna undir lok fyrri hálfleiksins með góðu skoti.

Um miðbik síðari hálfleiks gerði Joaquín Correa endanlega út um leikinn með þriðja marki heimamanna. Lokatölur 3-0 og Inter búið að vinna sex af síðustu sjö leikjum.

Inter er nú með 24 stig ásamt Lazio og Atalanta sem eru í sætunum tveimur fyrir ofan. Þau eiga þó leik til góða.

Fótbolti Ítalski boltinn

Mest lesið


Fleiri fréttir

Sjá meira


×

Mest lesið