Misjafnt gengi Íslendingaliðana í upphafi dönsku deildarinnar

Þeir Ágúst Elí Björgvinsson, Arnar Birkir Hálfdánarson og Elvar Ásgeirsson voru allir í leikmannahópi Ribe-Esbjerg er liðið vann góðan þriggja marka sigur gegn Mors-Thy, 30-27.

Liðið náði mest fimm marka forskoti í leiknum og staðan var 17-14 í hálfleik. Þrátt fyrir það að gestirnir í Mors-Thy hafi náð forystunni um stund í síðari hálfleik snéru heimamenn leiknum sér í hag á ný og unnu að lokum þriggja marka sigur, 30-27.

Elvar Ásgeirsson skoraði þrjú mörk í liði Ribe-Esbjerg og Ágúst Elí Björgvinsson varði tíu skot í markinu, en Arnar Birkir Hálfdánarson komst ekki á blað.

Þá vann Fredericia nauman tveggja marka sigur gegn Skanderborg. en Guðmundur Guðmundsson er þjálfari liðsins og Einar Þorsteinn Ólafsson leikmaður þess. Leikurinn var jafn og spennandi frá upphafi til enda, en að lokum höfðu heimamenn í Fredericia betur, 24-22.

Að lokmu máttu Daníel Freyr Andrésson og félagar hans í Lemvig þola þriggja marka tap gegn SønderjyskE, 33-30.