Veður

Vara við akstursleiðum á Suðurlandi vegna úrhellis

Ólafur Björn Sverrisson skrifar
Mikil rigning verður á Suðurlandi. Varað er við akstursleiðum þar sem aka þarf yfir óbrúaðar ár, til dæmis inn í Þórsmörk.
Mikil rigning verður á Suðurlandi. Varað er við akstursleiðum þar sem aka þarf yfir óbrúaðar ár, til dæmis inn í Þórsmörk. Foto: Vilhelm Gunnarsson/Vilhelm Gunnarsson

Frá þriðjudagskvöldi til miðvikudagskvölds er útlit fyrir mikla rigningu undir Eyjafjöllum og Mýrdalsjökli, og viðbúið að þar hækki talsvert í ám. Rigningin getur haft áhrif á akstursleiðir þar sem aka þarf yfir óbrúaðar ár, til dæmis inn í Þórsmörk, sem og á öðrum svæðum á Suðurlandi og að Fjallabaki.

Þetta kemur fram á vef Veðurstofunnar.

„Á sama tíma má gera ráð fyrir slagviðri á sömu slóðum og annars staðar á Miðhálendinu sem getur reynst gangandi og hjólandi ferðamönnum erfitt um vik,“ segir í athugasemd veðurfræðings.

Í dag er útlit fyrir hæga breytilega átt, skýjað með köflum og dálítil súld á vestanverðu landinu en líkur á skúrum norðan og austanlands. Gengur í suðaustanátt, 5-13 m/s síðdegis en 8-15 í kvöld og fer að rigna. Talsverð eða mikil rigning við suðurströndina, en úrkomuminna norðaustantil.

Áframhaldandi sunnanátt, 8-13 m/s og rigning á morgun en styttir upp á Vestfjörðum eftir hádegi og víðar á vestanverðu landinu annað kvöld. Hiti yfirleitt á bilinu 10 til 18 stig.

Veður

Mest lesið


Fleiri fréttir

Sjá meira


×

Mest lesið