Fótbolti

Íris Dögg kölluð út í EM-hópinn: Önnur markamannsbreytingin

Óskar Ófeigur Jónsson skrifar
Íris Dögg Gunnarsdóttir er á leiðinni út til móts við hópinn.
Íris Dögg Gunnarsdóttir er á leiðinni út til móts við hópinn. KSÍ

Það verða bara tveir leikfærir markmenn í hópi íslenska kvennalandsliðsins á móti Ítölum í kvöld. Cecilia Rán Rúnarsdóttir var dottin út fyrir fyrsta leik og nú er ljóst að Telma Ívarsdóttir er líka meidd.

Íris Dögg Gunnarsdóttir, markvörður Þróttar, hefur verið kölluð inn í íslenska landsliðshópinn á EM 2022 í stað Telmu Ívarsdóttir, sem meiddist á æfingu á miðvikudag.

Þetta er önnur breytingin sem Þorsteinn Halldórsson þjálfari íslenska liðsins hefur þurft að gera á hópnum vegna meiðsla markvarða. Cecilia Rán Rúnarsdóttir puttabrotnaði tveimur dögum fyrir fyrsta leik.

Íris Dögg, sem kemur til móts við íslenska hópinn í seinasta lagi á föstudag, er reynslumikill markvörður sem hefur leikið með U19 og U23 landsliðum Íslands og á að baki vel á þriðja hundrað meistaraflokksleikja með félagsliðum í KSÍ-mótum.

EM 2022 í Englandi Landslið kvenna í fótbolta

Mest lesið


Fleiri fréttir

Sjá meira


×

Mest lesið