Sjáðu sigurmark Hildar gegn Selfossi | „Hún er bara framherji sem skorar flott mörk“

Sérfræðingarnir í Bestu mörkunum voru þó ekki alveg sammála Birni um gæði marksins frá Hildi Antonsdóttur, leikmanni Breiðabliks.

„Mér fannst þetta bara mjög flott mark. Þó það sé smá heppnis stimpill yfir því þá gerir hún allt svo vel í aðdragandanum. Hún stígur varnarmanninn virkilega vel út og ég held að hún hafi ætlað að gera þetta. Frábærlega klárað, sérstaklega vegna þess að hún er ekki þessi týpiski framherji. Hún er bara framherji sem skorar flott mörk,“ sagði Harpa Þorsteinsdóttir.

„Það er mýkt í þessari afgreiðslu“ skaut Mist Rúnarsdóttir inn í.

„Þetta voru Barcelona taktar. Þær eru að gera þetta allt í fyrstu snertingu,“ sagði Helena Ólafsdóttir.

Hægt er að horfa á mark Hildar og hlusta á umræðuna um lið Breiðabliks í spilaranum hér að neðan.