Fyrsti laxinn kominn á land við Urriðafoss

Það var Stefán Sigurðsson hjá Iceland Outfitters sem landaði þessum fyrsta laxi sumarsins eftir aðeins sjö mínútur við veiðistaðinn Huldu og það var vel haldinn ca 3 kilóa lax. Laxveiðimenn fagna fyrsta degi veiðisumarsins væntanlega vel og það verður gaman að sjá hvernig dagurinn endar á þessu vinsæla svæði.  Þess má geta að það er svo gott sem uppselt við Urriðafoss en tinraunasvæðin Urriðafoss B og Þjótandi eru lítið seld. Það má klárlega mæla með því við veiðimann að gefa þeim svæðum tækifæri því það er hægt að gera fína veiði þar fyrir sanngjarnt verð og veiðivonin er mjög góð. 

Veiðivísir bíður spenntur fregna af löxum sumarsins og óskar laxveiðimönnum Gleðilegs veiðisumars!