Heims­meistarar á heima­velli eftir fram­lengdan úr­slita­leik

Finnland og Kanada mættust í úrslitaleik HM í íshokkí Tampere í Finnlandi á sunnudag. Leikurinn var æsispennandi en um er að ræða tvær þjóðir með gríðarlega sögu þegar kemur að íshokkí.

Spennustigið var hátt og staðan markalaus að loknum fyrsta leikhluta. Dylan Cozens kom Kanada yfir í öðrum leikhluta og reyndist það eina mark þess leikhluta. Í þriðja og síðasta leikhluta leiksins opnuðust flóðgáttirnar.

Mikael Granlund jafnaði metin og kom Finnlandi yfir áður en Joel Armia kom Finnlandi í 3-1. Kanada lét þetta ekki á sig fá og minnkaði Zach Whitecloud muninn þegar lítið var eftir af leiknum.

Innan við mínútu síðar hafði Kanada jafnað metin, Maxime Comtois með markið og staðan jöfn 3-3. Var hún enn jöfn er tíminn rann út og því þurfti að framlengja.

Þar reyndust Finnar sterkari en Sakari Manninen skoraði eina mark framlengingarinnar og tryggði Finnlandi heimsmeistaratitilinn í íshokkí, lokatölur 4-3.